Нөлөөллийн маркетинг аялал жуулчлалын салбарыг хэрхэн өөрчилж байна вэ?

Нөлөөллийн маркетинг (influencer marketing) сүүлийн үед борлуулалт, зар сурталчилгааны ертөнцөд хүч түрэн орж ирж,  бүхий л салбарт өргөжиж байна. Аялал жуулчлалын салбар дахь хамгийн сүүлийн үеийн чиг хандлагын нэг бол аялагчид эсвэл влогчид аялаж очсон газруудаа танилцуулдаг сонирхолтой бичвэр юмуу бичлэг дүрслэлүүд юм. Тэгвэл нөлөөллийн маркетингийн аялал жуулчлалын салбарт хэрхэн нөлөөлж, яаж өөрчилж байгаа талаар дэлгэрүүлэн авч үзье.

Аялал жуулчлалын салбарт гарсан өөрчлөлт

Европ, барууны орнуудад аялал жуулчлал анхандаа тансаг хэрэглээ байлаа.  Өөрийн гэсэн нэр хүнд, өмч хөрөнгөө бүтээн босгочихсон, өдөр тутмын зардлаасаа илүү гарах хэмжээний мөнгөтэй чинээлэг хүмүүс л аялалд гардаг байв. Одоогийн ахимаг насныхан бага залуу байхдаа төдийлөн аялаад байдаггүй байсан нь тухайн үед тэдний чухалчилж үздэг, мөнгөө зарцуулдаг зүйлс нь өөр байсантай холбоотой. Тэдний зарцуулалтын гол зүйлс нь аялалд явахын оронд байшин, машин гэх мэт томоохон худалдан авалтад зориулагддаг. 

Харин шинэ үеийнхнийг  авч үзвэл нэлээд ялгаатай зүйлс харагдаж байна. PEW судалгааны төвийн 2016 онд хийсэн судалгааны үр дүнд 1980-аад оноос хойшхи үеийнхний мөнгө зарцуулалтын зуршил дээр үндэслэн харахад тэд санхүүгийн уламжлалт зарцуулалт буюу материаллаг зүйлийг авахаас илүүтэй туршлага хуримтлуулах зүйлсэд мөнгөө түлхүү зарцуулдаг байна. Тиймээс тэдний аялал, зугаалга хийх өндөр магадлал бүхий хүн ам зүй гэж авч үзэж болно. Мөн олон нийтийн сүлжээ (social media)-нд идэвхтэй байдаг тул аялал хийх сэдэл, сонголтонд нь нөлөөлөх төгс орчин юм.

Маш олон залуус болон дижитал ашигладаг хүмүүс ганц удаа мэдэрч чадах маш онцгой зүйлсийг туршиж үзэх хүсэл эрмэлзэл их байдаг учраас энэ нь аялал жуулчлалын салбарт өсөлт авчрах төрөл болохоор  ажиглагдаж байна. 

Энэхүү аялал жуулчлалын шинэ төрлийн сонирхол нь хүмүүсийн аяллын талаарх үзэл хандлагыг өөрчилж байна.  Аялалд гарах бодолгүй байгаа хүмүүс бусдын аялаж буй зураг, бичлэгийг үзэх нь аялах сэдлийг нь бадрааж  төлөвлөж эхэлдэг нь нөлөөллийн маркетинг аялал жуулчлалын салбарт ихээхэн чухал болсныг илтгэнэ.  

Аялал жуулчлалын нөлөөлөгчид хэн бэ? Юу хийдэг вэ?

Аялал жуулчлалын инфлүэнсэрүүд шинэ газарт очиж шинэ содон туршлага хуримтлуулж буйгаа контент болгоход анхаардаг. Зарим хүмүүс аялалд дуртай, түүнийгээ олон нийтийн сүлжээндээ хуваалцдаг бол зарим аялалын инфлүэнсэрүүд шинэ газрыг илүү эрэлхийлж, өөрсдийн гэсэн онцлог контент бүтээхийг эрмэлздэг. 

Зорилгоос үл хамааран аяллын инфлүэнсэрүүд маркетингийн гол чиглэлд орж, брендүүд анхаарлаа хандуулж эхлэсэн. Тиймээс зочлох үйлчилгээний салбарынхан болон аялал жуулчлалын бизнес эрхлэгчдийн хувьд инфлүэнсэрүүдийн тусламжтай үйл ажиллагаагаа таниулах, өргөжүүлэх маш том боломж бий болж байгаа юм.  

Аялалын инфлүэнсэрүүдийг яаж зөв ашиглах бэ? 

Зөв зорилгын дагуу зөв өргөжиж чадвал инфлүэнсэрүүд аялал жуулчлалын салбарыг илүү сайнаар өөрчлөх бүрэн боломжтой. Олон хүмүүс итгэдэг хүмүүстэйгээ жинхэнэ харилцаанд анхаарлаа хандуулах тусам инфлүэнсэрүүдийн нөлөөлж чадах хүч илүү их байдаг. 

Сүүлийн үед аялал жуулчлалын инфлүэнсэрүүд салбарын аль нэг  чухал зүйлд олон нийтийн анхаарлыг татаж, оролцоог нь сануулах болсон. Жишээ татвал, ирлээ явлаа цэвэр хоггүй аялах уриалга, байгаль дэлхийд ээлтэй эко аяллын ач холбогдлыг таниулах гэх мэт нөлөөллийн ажлууд олон нийтийн мэдлэг мэдээллийг дээшлүүлж чадсан. 

How Influencer Marketing is Changing the Travel Industry

Нөлөөллийн маркетингийн зөвлөмж

Бусад бизнесийн адил нөлөөллийн маркетингд бас өөрсдийн арга тактик байдаг. Мэдээллийг олонд хүргэх компанит ажил явуулахдаа юуг хэлэх, юуг уриалах бэ гэдэг  нь хамгийн нэгдүгээрт чухалчлан хариуцлагатайгаар авч үзэх асуудал байдаг. Доорхи зөвлөмжүүд нь нөлөөллийн маркетингд тус болно гэж үзэж байна.

Хамгийн чухал нь мэдээллийн чанартай контент 

Хүн бүрийн төдийлөн сайн мэддэггүй сонин содон газруудыг дагагчиддаа танилцуулж, явсан газрын сонин хачинаа дэлхий нийттэй хуваалцаж байдаг энэ трэнд өмнө нь байгаагүй шинэ үзэгдэл юм. 

Та аялалын дагагч нарт нэр хүндтэй болохын тулд хүмүүст зориулсан шинэлэг зүйлсийг үзүүлж таниулах хэрэгтэй, жишээлбэл та өмнө нь танигдаагүй, шинэ содон газрын тухай эрэл хайгуул хийж, түүнийгээ дагагчид хэрэглэгчид нараараа нээж олуулж таниулах зэргээр урамшуулан дэмжиж ажиллах хэрэгтэй. 

Инстаграммын хуудсаар дамжуулан гайхамшгийг бүтээ!

Инстаграммын хуудас нь загварлаг өнгө, контент болон зохион байгуулалттай байх нь олон дагагч нар тэр дундаа инфлүүсэрүүдийн сонирхлыг байнга татаж байдаг.

Нүүр хуудсын фоныг байнга шинэчлэн, анхны харалтаар шууд сонирхлыг нь татан өөр өөр байлгах нь дагагч болон бусад инфлүүсэрүүдийн хувьд өөрийн эрхгүй анхаарлын төвд оруулж, дагагчийн тоог нэмэгдүүлдэг. Тиймээс та өөрийн өнгө төрх, загварыг тодорхойлж, пост бүрдээ түүнийгээ ашиглах хэрэгтэй.

Холбоо харилцаа бол салшгүй хэсэг

Анхаарал татсан, өөрийн гэсэн өнгө төрхтэй байхаас гадна, та дагагч нартайгаа зөв эелдэг харилцаа холбоотой байх нь чухал юм. Та хэтэрхий сурталчилгааны агуулгатай байвал таны дагагч нар таныг дагахаа больж улмаар таны нэр хүнд тэр хэмжээгээр буурна. Аль болох тэдний сэтгэгдэлд хариу өгч, хэрэглэгчид төвлөрсөн контент бий болгон харилцаагаа нэмэгдүүлж байхыг хичээх хэрэгтэй.

Тансаг хэрэглээний тренд

Тансаг хэрэглээ нь дэлхийд хамгийн хурдацтайгаар өсч байгаа үзэгдэл юм. Аялал жуулчлал ч бас түүнээс хоцроогүй ба хүмүүс амралтаараа аль болох үнэтэй сууц, гоёмсог зочид буудалд тухлахыг хүссээр байгаа.

Тансаг, үнэтэй аялал нийтийн сүлжээнд эрэлттэй байгаа үед та энэ хэрэгцээнд нь тулгуурласан контент байршуулж сонирхолыг нь татах ёстой. Хэдийгээр энэ нь бага зэргийн өртөг ихтэй боловч та энэ онцлог зах зээлд оролцохоос өөр сонголтгүй юм.

Итгэл даасан, үнэн байх  тухайд

Нөлөөллийн маркетингийн компанит ажлыг явуулахад дагагч болон нийтийн сүлжээний хэрэглэгдэд таны үйл ажиллагаа, жинхэнэ дүр төрх  тань  үнэн биш бол та цаашаа ажиллах боломжгүй. Нөлөөллийн маркетингийн залилантай холбоотой олон судалгаа байдаг тул та стратеги боловсруулахдаа маш хянамгай тооцоолох хэрэгтэй. Та олон дагагчтай болох, тэдний тоог бууруулахгүй байхын тулд хамгийн чухал даалгавар бол таны дагагч нарын итгэл үнэмшлийг өсгөх явдал юм.

Сүүлийн үг

Нөлөөллийн маркетинг нь аялал жуучлалын салбарт маш  ач холбогдолтой гэдэг нь тодорхой болсон. Аялалын инфлүүсэрүүд инстаграммд хэдэн сая дагагчидтай болон өссөөр байна, иймээс аялал жуучлалын үйл ажиллагаа явуулдаг тур операторууд хамтран энэ талаар нухацтай авч үзэх хэрэгтэй.

https://www.tourismtiger.com/blog/influencer-marketing-for-the-tourism-industry/