Өрөө удирдлагын систем гэж юу вэ? /Room Management System/
Таны зочид буудал, амралтын газар 5 одтой тансаг зэрэглэлийх ч бай 5 ханатай энгийн гэр бааз ч бай өдөр тутмын захиалга, зочны нэмэлт үйлчилгээ авсан тэмдэглэл, тооцоо гэх мэтийг удирдахад ашиглаж байсан дэвтрийг тань, эсвэл нарийн төвөгтэй Excel хуудсыг орлуулах тусгайлан боловсруулсан хялбар шийдэл бол RMS буюу Өрөө удирдлагын систем юм.
Өрөө удирдлагын системүүдийг та интернетээс хайвал маш олон төрлийн, янз бүрийн үйлчилгээ санал болгох компаниудыг олж чадна. Гэхдээ маш сайтар судалж байж, ажилчдад ойлгомжтой, энгийн бүтэцтэйг нь сонгохыг зөвлөе.
MyHotel-ийн хувьд зөвхөн захиалгыг хялбарчлаад зогсохгүй зочлох үйлчилгээний салбарын өдөр тутмын үйл ажиллагаа, менежментийг хийхээс гадна аялал жуучлалын олон улсын сүлжээнд (эко систем) холбогдон борлуулалтаа нэмэгдүүлж, бизнесээ автомажуулахад туслана.
RMS ашиглан цагаа хэмнэж ухаалаг ажилла
Давтагддаг ажлуудыг автоматжуулж, үнэ цэнэтэй цагаа хэмнээрэй!
Зочид буудлын RMS нь үнийн өөрчлөлт, захиалгатай өрөөнүүдийн тоог гаргах, зочдод нэхэмжлэх илгээх, ирэхээс нь өмнө имэйл илгээх, өрөөний хаалт хийх, өрөө цэвэрлэгдсэн эсэхийг тэмдэглэх гэх мэт давтагдах ажлуудыг автоматжуулах боломжийг танд олгоно. Channel Manager-ийн тусламжтайгаар та зочид буудлынхаа вэбсайтаар, мөн ФБ хуудсынхаа чатботоор захиалгыг хүлээн авах болно. Энэ нь зочдод онлайнаар өрөөний боломжийг шалгаад хурдан бөгөөд хялбархан захиалах боломжийг олгож байгаа юм. Тэгснээр зочид буудалд ирэх утасны дуудлагуудыг багасгаж, захиалгын тоог нэмэгдүүлнэ.
Танай RMS-д channel manager холбогдсоны дараа янз бүрийн сувгуудаас (зочид буудлын вэбсайт, Booking.com, Airbnb, Hostelworld гэх мэт) бүх захиалгын дэлгэрэнгүй мэдээлэл таны RMS руу автоматаар ирдэг тул тэдгээр захиалгуудыг дэвтэртээ гараар хуулах шаардлагагүй болно.
Channel manager нь танай захиалгын бүх суваг дээр өрөөний тооллогыг автоматаар шинэчилж, тус бүрчлэн орж мэдээллээ өөрчлөх шаардлагагүй болгоод зогсохгүй давхардсан захиалга орж ирэхээс сэргийлнэ. Үнэхээр амар байгаа биз!
RMS орлого нэмэгдүүлэхэд тусална
Менежементийн болон байнга давтагддаг ажилд зарцуулах цаг хугацааг бизнесийнхээ стратеги, хэрэглэгчийн сэтгэл ханамжийг сайжруулахад ашиглавал ямар сайхан эерэг өөрчлөлтүүд бий болох бол? Ажлыг автоматжуулах нь гар ажиллагаанаас үүсдэг алдаанаас зайлсхийх тул илүү үр дүнтэй ажиллах болно. RMS нь бизнесийн талаархи олон тайлан, статистик мэдээллийг гаргах бөгөөд ингэснээр үнэ, өрөө дүүргэлт гэх мэт олон зүйл дээр зөв шийдвэр гаргахад туслах болно. Өрөөний үнэ, дүүргэлттэй холбоотой ажлыг ердөө ганц товшилтоор бүхий л захиалгын суваг дээр хийх боломжтой бөгөөд ингэснээр та илүү олон OTA (booking.com, agoda, airbnb г.м аяллын онлайн агентлагууд) дээр борлуулалт хийж, онлайн харагдах байдлыг нэмэгдүүлэх боломжтой болно.
Ямар RMS сонгох вэ?
Та интернетээс хайгаад судлаад үзвэл Өрөө удирдлагын системийг санал болгодог олон компаниуд бий. Тэдгээрээс сонгохдоо үүлэн технололгид суурилсан, Channel manager-тэй холбогдох боломжтой хувилбарыг сонгохыг зөвлөж байна. Мөн үнийн судалгааг сайтар хийхээ мартуузай.
MyHotel нь Өрөө удирдлагын системийн хувьд эх хэл дээрээ хийгдсэн тул ажиллахад хамгийн ойлгомжтой. Олон улсын болон дотоодын голлох захиалгын системүүдтэй холбогдсон тул та захиалгаа дэлхийн хаанаас хүлээн авч дурын төхөөрөмж дээрээс удирдаж чадна.
