2021 онд зочдын итгэл үнэмшлийг нэмэгдүүлэх, аялал жуулчлалыг сэргээх 3 арга зам
ДИЖИТАЛ ЗОЧИД БУУДАЛ
May 6, 2021
Захиалгын хэрэгсэл гэж юу вэ? Энэ нь зочид буудлын бизнесийн өсөлтөнд хэрхэн тусалдаг вэ?
May 10, 2021
2021 онд аялал жуулчлал үр өгөөжтэй байх уу? Вакцинжуулалтанд хамрагдсан хүн амын тоо өсөхийн хэрээр ихэнх олон улсын засгийн газрууд аялал жуулчлалын салбарт дэмжлэг үзүүлэхийг эрмэлзэж, “вакцины паспорт” хөтөлбөрийн талаар хэлэлцэж, аялал жуулчлалын эд улирал буюу зунаас өмнө хилээ нээхээр зорин ажиллаж байна. Он гарахад нислэг, зочид буудлын эрэлт мэдэгдэхүйц нэмэгдэх үү? Авто аялал, гадны улс оронд аялахад вакцинжуулалт, хүн хоорондын зайг баримтлах үүднээс түгээмэл хэвээр байх уу эсвэл аялагчид илүү дотоодын аялал руу чиглэх үү? Зэрэг асуултууд бидний сонирхлыг ихээр татаж байгаа билээ.
Энэ жил зочид буудлын бизнес эрхлэгчид хэрэглэгчийн итгэлцлийн түвшинг харгалзан дараах хувилбаруудад бэлтгэх нь чухал юм. Боломжит эрэлтийг олж авах, аялал жуулчлалтай холбоотой асуудлуудыг хөнгөвчлөхийн тулд зочиддоо өмнөхөөс илүү цэвэр, халуун дотноор угтан авах орчинг бүрдүүлэхэд анхаарлаа төвлөрүүлэхийг хичээх хэрэгтэй.
‘Цэвэрч үеийнхэн’ -ий хүлээлт юу вэ?
Энэ жил аялагчдын хувьд цэвэр байдал гэх үзүүлэлт нь байршуулах хэрэгслийн захиалга хийх шийдвэр гаргахад нэн тэргүүний асуудал хэвээр байх болно. Аялагчдын дунд явуулсан сүүлийн үеийн судалгаагаар 3 хүн тутмын 2 нь захиалга хийхээсээ өмнө тухайн газар COVID19-ээс урьдчилан сэргийлэх ямар арга хэмжээ авч байгаа нь маш чухал гэж хэлсэн бол ердөө 25% нь очих газраа сонгоход үнэ чухал хэмээн хариулжээ.
Энэ нь ‘Цэвэрч үеийнхэн’-ий аялагч нь захиалга өгөхдөө эрүүл мэнд, цэвэрлэгээ ариутгалын асуудлыг нэн тэргүүнд тавьж, тухайн зочид буудал аюулгүй байдлыг нь хангахад хангалттай хүчин чармайлт гаргаж байгааг мэдрэхийг хүсч байна гэсэн үг юм.
Зочид буудлын бизнес эрхлэгчдийн хувьд зочид буудалдаа суулгаж өгсөн цэвэрлэгээний стандарт, протоколыг заавал мэдээлж байгаарай. Үйлчлүүлэгчдийн
сонирхлыг татахуйц байлгахын тулд эдгээр дэлгэрэнгүй мэдээллийг вэбсайт болон захиалгын систем дээрээ илт харагдахуйц байршуулаарай. Та зочид буудлынхаа цэвэрлэгээ ариутгалын талаар хэрэгжүүлж буй тусгай бодлогоо нийтэд мэдээлж байх нь зочид ирэхээсээ өмнө тухайн газарт ямар туршлага хүлээж болохыг таамаглаж, талархах болно.
Хүрэлцэхгүйгээр үйчилгээ үзүүлэх
COVID19-ээс өмнө түлхүүргүйгээр нэвтрэх, гар утасны бүртгэл, автоматжуулсан үйлчилгээний хүсэлт зэрэг хүрэлцэхгүйгээр үйлчлэх зэрэг хүлээлтүүд өссөөр байсан. Өнөөгийн хүн хоорондын зай барих удирдамжууд нь хүрэлцэхгүйгээр үйлчлэх технологи, дижитал туршлагыг нэвтрүүлэх ажлыг хурдасгасаар байна.
Хүрэлцэхгүйгээр үйлчлэх туршлага нь зөвхөн тав тухтай байдлыг бий болгодог төдийгүй зочдын 62% нь зочид буудлын програмаар дамжуулан бүртгүүлэх, гарахыг илүүд үздэг хэмээжээ. Эдгээр дижитал мэдрэгчүүдийг нэвтрүүлснээр зочид буудлын үйлчилгээ эрхлэгчдэд нэмэлт орлогыг олох боломжийг олгож, илүү бодитой мэдээллийг цуглуулах туршлага болж чадна. Жишээлбэл, хэрэв танай зочин мобайл аппликейшнээр дамжуулан бүртгэл хийсэн бол тэдэнтэй хүрэлцэхгүйгээр өрөөний үйлчилгээ захиалах хүсэлтэй байгаа эсэхийг мессежээр эсвэл мэдэгдэл илгээснээр мэдэж болох юм.
Эдгээр дижитал харилцаа нь аялагчдын туршлагад сайнаар нөлөөлж, хэдий ажилчид тань харагдахгүй байгаа ч таныг үйлчилгээндээ анхаарсаар байгааг тэдэнд мэдрүүлэх болно.
Зочны аяллын алхам бүрийг хувийн туршлага болгоорой
Зочид буудлын бизнес эрхлэгчид давтан захиалга хийлгэхийн тулд урамшуулалт хөтөлбөрөөс гадна үнэнч байдал гэх ойлголт үүсэн бий болж байгааг олж мэджээ. COVID-19 нь зочдын илүү сайн туршлагыг бий болгохын тулд технологийг нэвтрүүлэх хурдыг ахиулсан. Өрөөний үнэлгээ доогуур, аялал жуулчлалын удирдамж тодорхойгүй байгаа тул итгэл үнэмшил, аюулгүй, мартагдашгүй туршлагыг бүтээх чадвар зэрэг үнийн бус хүчин зүйлс нь захиалгын зан төлөвд улам бүр нөлөөлсөөр байна. Үнэн хэрэгтээ хэрэглэгчдийн 79% нь хувийн онцлогийг чухалчлан үздэг брэндүүдэд илүү үнэнч байдаг гэжээ.
Аяллын өмнөх санал асуулга, имэйл, дижитал үйлчилгээний хүсэлт, мобайл худалдан авалт бүр нь хувийн туршлага дээр тулгуурласан материал юм. Технологийн зүйлс дээр төвлөрсөн өгөгдлийг ашигласнаар буудлын үйлчилгээ үзүүлэгч ажилчдад зочдын тохиргоо, хувийн мэдээллийг дэлгэрэнгүй мэдээлэл болгон хөрвүүлэх боломжтой. Эцэстээ зочинд зориулсан онцгой туршлагыг бий болгож чадсанаар байнгын үйлчлүүлэгчээ бий болгож байгаа нэг хэлбэр билээ.
Аялал жуулчлал хурдацтай хөгжиж буй дэлхий ертөнцөд зарим хэрэглэгчдийн хүлээлт, зан төлөв стандарт болох нь дамжиггүй. Зочид буудлын бизнес эрхлэгчид цэвэр байдлын хүлээлтийн өсөлт, хүрэлцэхгүйгээр үйлчлэх туршлага, зочинд зориулсан хувийн туршлагыг нэмэгдүүлэх зэрэг эдгээр өөрчлөлтүүдийг хэрэгжүүлэхийн тулд зоригтой арга хэмжээ авах хэрэгтэй. Эдгээр тэргүүлэх чиглэлийг хангахын тулд нэгдсэн технологид анхаарлаа төвлөрүүлснээр зочид буудлууд эцэст нь бизнесийнхээ эрэлт хэрэгцээг нэмэгдүүлж, зочидтой холбоо харилцаагаа гүнзгийрүүлэх болно.
