Зочид буудлын сайн менежер болоход туслах 8 арга

“Ажилчдаа хайрла”. Энэ нь зочид буудлаа амжилтанд хүргэх Лондон дахь алдарт “One Aldwych”- ыг үүсгэн байгуулагчийн баримталдаг  зарчим  юм. Мөн зочлох үйлчилгээний салбарын хүмүүст сайн зөвлөгөө болох чухал тарни билээ.

Энэ тарни нь Ковидын цар тахал эсвэл 2008 оны санхүүгийн хямрал гэх мэт зочлох үйлчилгээний салбарын уналтын үед тавигдах сорилт болж өгдөг. Менежерүүд эдийн засгийн  шуурга болон тодорхойгүй нөхцөл байдалтай тулгарсан үед бизнесийн хэрэгцээг ажилчдынхтайгаа тэнцвэржүүлэх ёстой.

Тиймээс та “Хэрхэн сайн менежер болох вэ?” гэж  бодож суугаа нь ойлгомжтой. Энэ нь танийг үр дүнтэй удирдагч болох замдаа хэдийнээ орсныг илтгэх чухал асуулт юм. Өөрийгөө ухамсарлах, илүү сайжруулах хүсэл эрмэлзэл хоёр бол  ямарч менежерийн үнэ цэнэтэй  шинж чанар билээ.

Магадгүй та зочлох үйлчилгээний менежментийн чиглэлээр бакалаврын зэрэг горилж байгаа, ерөнхий менежерийн туслах, эсвэл зочид буудлын ахлах менежер, үйл ажиллагааны шинжээч  эсэхээс үл хамааран танд илүү сайн менежер болоход туслах  цаг үеэ олсон зөвлөгөөг хуваалцаж байна.

1. Аугаа зочид буудлын удирдагч нь шударга, үнэн зөв байх ёстой.

Ажилчиддаа үргэлж шударга ханд. Та аливаа зүйлийг тойруулах, илэн далангүй байхаас зайлсхийх, үнэнийг хэлэлгүй нуух эсвэл  хөндий, хайхрамжгүй мэт аашлах хэрэггүй. Таны ажилчид ямар нэгэн байдлаар үүнийг мэддэг тул аль болох шударга байх нь хамгийн зөв арга юм.

Стресстэй эсвэл сэтгэл хөдөлсөн үедээ бодитойгоор хандаж байгаарай. Энэ нь таны удирдлагын чиг шугам шударга байхад туслах юм. Сэтгэл хөдлөлдөө хэт их автах нь зарим нэгэн ажилчдад тааламжгүй байдал үүсгэж болзошгүй. Ийм байдлаас болж ажилчдын заримынх нь хувьд ундуйцах эсвэл алагчилсан мэдрэмж төрдөг. Тиймээс үүнээс зайлсхийж шударга, бодитой байгаарай.

2. Зочид буудлын менежмент гэдэг нь үүдний танхимд өрнөж байдаг тул өрөөнөөсөө  гарч бай.

Бэрхшээлтэй, хүнд цаг мөчид ажилчид тань таныг өрөөн  дотроо нуугдахыг хичээдэг хэмээн бодохвий. Өрөөнөөсөө гарч, зочид буудлынхаа бүх хэсгүүдтэй холбогдож байгаарай. Ингэснээр та үйл ажиллагааны хэрэгцээ шаардлага болон өнөөгийн нөхцөл байдлыг илүү сайн ойлгох болно. Үүнийг “ТОЙРОН АЛХАХ УДИРДЛАГА(MBWA)” хэмээн нэрлэдэг бөгөөд энэ нь таныг ажилчидтайгаа, урд нь байгаагаар харагдуулах болно. Та албан тасалгаанд нуугдахаас илүүтэй идэвхтэй, ажил хэрэгч гэдгээ үлгэрлэн харуул.

Ингэж харагдуулснаар дээд зэргийн зочдод өөрийгөө таниулж чадах гайхалтай туршлага болно. Зочдын санал сэтгэгдлийг сонсож, тэдний хэрэгцээ шаардлагыг биелүүлэх нь таны өөрийн нэр хүндийг өсгөхөд тустай.

Зөвхөн өрөөнөөсөө гарахад л хангалтгүйгээс гадна та үр өгөөжийг бодитой мэдрэхийн тулд бусадтай харилцах ёстой гэж Hamister Hospitality Group-ийн гүйцэтгэх захирал Марк Хамистер хэлжээ.  Түүнчлэн MBWA-г дагаж мөрдсөнөөр  удирдлага, ажилтнуудын хоорондын хамтын ажиллагаанд дэмжлэг үзүүлж, албан бус асуудлыг шийдвэрлэх боломжийн тоог өдөр бүр нэмэгдүүлж, ингэснээр түргэн шуурхай, бүтээлч шийдлүүдийг гаргах боломжийг бидэнд олгодог хэмээжээ.

3. Зочид буудлын менежерийн ажил нь хүний нөөцийг зохицуулдаг

Боловсон хүчний бүрдүүлэлт нь ихэнхи зочид буудлуудын хувьд ердийн үед (өөрөөр хэлбэл КОВИД бус үед) тулгардаг # 1 асуудал юм. Ерөнхий менежер нь хүний нөөцийн менежментийн  өндөр ур чадварыг шаарддаг ажил. Үүнд шилдэг авьяастныг хайх түүнчлэн соёл сул ажилчдыг ажлаас нь халах зэрэг багтах юм. Ганцхан муудсан алим хайрцаг дүүрэн алимыг ч үгүй хийж чаддаг гэдэг.

Хэрэв өнөөдөр та тэднийг ажлаас нь халсан ч хямрал дууссаны дараа эргүүлээд ажилд авах шаардлага тулгарч болох юм. Таны хийх ёстой хамгийн сүүлийн зүйл бол ажилчдын үнэнч байдлыг үл тоомсорлож сөрөг сэтгэгдэл үлдээхгүй байх явдал юм. Шинэ боловсон хүчин хайхаас илүүтэй хуучин ажилчдаа эргүүлэн авчрахыг хүсч болох тул тэдэнтэй зөв харьцаарай.

Мэдээж ажилтнаа ажлаас халах бол менежерийн хувьд хамгийн хэцүү ажил шүү дээ. Тиймээс хүний нөөц тогтворгүй байх, ажилчид ажлаас халагдах шалтгаанууд юу байгааг тодруулж, шийдэл хайх хэрэгтэй.

Магадгүй захиалга бүртгэлийн маш их гар ажиллагаа, гар ажиллагаанаас үүдэлтэйгээр алдаа гаргах, мэргэжлийн бус байдал зэргээс шалтгаалж байвал орчин үеийн технологийн шийдлийг танд санал болгоё.

Энэ бол өрөө удирдлагын систем MyHotel.mn юм. Энэхүү систем дээр ажиллаж сурахад ердөө 3 хоног шаардлагатай бөгөөд, бүх үйлдлүүд монгол хэл дээр учраас ойлгомжтой, захиалгын автоматжилт, захиалгын сувгуудын холболтыг шийдсэн учраас өрөө дүүргэлтийг нэмэгдүүлэх гол түлхүүр болж чадна.

4. Хүн хоорондын харилцааны чадварын гол зүйл бол: Сонс, сонс, сонс

Аугаа удирдагч нь аугаа сонсогч байдаг. Тэд юу сурч мэдсэнээсээ шалтгаалан сонсож нэгтгэх чадвартай байдаг. Сонсох нь зочлох үйлчилгээний үндэс бөгөөд харилцан ойлголцол, утга учиртай харилцаа, дурсамжтай туршлагыг бий болгодог хэмээн Нью Орлеанс дахь нэгэн лоджийн хүний нөөцийн ажилтан Гари Гутиеррес хэлэв.

Зочид буудлын ажилчдын хувьд хамгийн чухал зүйл бол хүний туршлага, хүмүүсийн харилцаанд эерэг, өөдрөг үр нөлөө үзүүлэх явдал юм.  Энэ нь зөвхөн зочидтой бус зарим үед  багийнхантайгаа ч найрсаг нөхөрсөг хандах явдал.

5. Ажилчиддаа нээлттэй ханд

Та нээлттэй хаалганы бодлоготой менежер гэдгээ тод томруун болго. Ажилтнуудынхаа асуудлыг сонсож, шийдвэрлэхийн тулд чадах бүхнээ хийснээр эргээд ажилтнууддаа итгэх итгэлийг бий болгох юм. Зочлох үйлчилгээний салбар нь маш олон янзын, ялгаатай ур чадвар, үүрэгтэй ажилчдаас бүрддэг тул өөр өөр харилцан ярианы хэв шинжүүдийг шаарддаг. Фронт оффис, өрөө үйлчилгээний ажилчид ерөнхийдөө инженер, тогооч нараас илүү нээлттэй, логиктой, шууд харилцаанд орохыг шаарддаг. Тиймээс зүгээр л сонс бас тэднийг ойлго.

Та мөн нэрээ нууцалсан харилцаа холбооны сувгуудыг санал болгох хэрэгтэй. Нүүр тулж ярилцах нь хүн болгонд таатай байдаггүй. Хов живийг багасгах, хүчирхийллээс урьдчилан сэргийлэх, та болон ажилчдынхаа хоорондын заагийг багасгахын тулд ажилтнууддаа нэрээ нууцлах санал хүсэлтийн суваг гарга. Нэрээ нууцлах нь итгэлцлийг бий болгож, тулгамдсан асуудлыг хурдан шийдвэрлэхэд тусалдаг.

6. Бүтээлч байдлыг тэвчээртэйгээр хүлээн ав

Хямралын үе бол шинэ зүйлийг туршиж үзэхэд хамгийн тохиромжтой цаг мөч юм. Энэ нь таныг өдөр тутмын дадал хэвшлээс тань холдуулж, бүтээлч сэтгэлгээг бий болгох органик боломжийг олгодог.

Ажилчдаа хуралдуулж, өнөөгийн хямралыг, ирээдүйд тулгарах бэрхшээлийг даван туулах чадварыг бий болгох бүтээлч аргуудыг судалж үзэхийг уриал.

Бүтээлч байдлын нэг давуу тал нь ихэвчлэн танай ажилчдыг олноор нь татан оролцуулах явдал юм. Ихэнх хүмүүс санаа оноогоо дайчлан, байгууллагын амжилтанд хувь нэмэр оруулахыг хүсдэг. Ажилчдынхаа бүтээлч чадварыг нээн илрүүлснээр та урам зориг авах ба энэ нь хамгийн сайн сайхныг бий болгодог бөгөөд ирээдүйн удирдагчдыг өсгөн хүмүүжүүлдэг гэж Сагароу Палм Спрингсийн Пол Патиньо хэлжээ.

“Жинхэнэ сорилт бол удирдагч нь хүн бүрийг хөдөлгөж, хамтад нь нэг зүгт чиглүүлж, хүн бүрээс хамгийн сайн хувилбаруудыг  гаргаж ирэх, түүнийх нь төлөө урам зориг өгч чаддаг байх явдал юм. Бүх агуу зүйлд цаг хугацаа, тэвчээр, асар их хайр хэрэгтэй болдог.

7. Бүтээлч байж бага зүйлээр ихийг бүтээ

Зочид буудлууд хаа сайгүй бага зүйлээр ихийг хийхийг хичээдэг. Үйл ажиллагааны зардлаа хэмнэх, аль болох үр ашигтай байх боломжийг хайж олох хэрэгтэй. Хэрэв та цөөн ажилтантай бол  үйлчилгээний стандартыг хадгалсан шинэ технологид хөрөнгө оруулалт хийж, хэт ачаалалтай ажилладаг ажилчдынхаа ачааллыг бууруулах хэрэгтэй.

Өрөө удирдлагын систем, Орлогын менежментийн систем гэх мэт зочид буудлын технологийг өртөг гэхээсээ илүү ашигт ажиллагааны хүчин зүйл гэж үзэх хэрэгтэй. Том зочид буудлууд эсвэл зочид буудлын сүлжээнүүдийн үйл ажиллагааны менежерүүдийн хувьд урьдчилан сэргийлэх засвар үйлчилгээ, програм хангамж нь тоног төхөөрөмжийг солих урт хугацааны зардлыг бууруулах боломжтой.

8. Тусч, нөхөрсөг  бай

Гайхалтай менежерүүд зөвхөн сайн сонсогч, ухаалаг харилцагч байхаас гадна бас  тусч байдаг. Зочид буудлын салбар бол хүмүүний  бизнес бөгөөд энэ бол бидний хамгийн сүүлчийн,  маргаангүй чухал зөвлөмж юм.

 Та ажилчиддаа хувь хүний хөгжилдөө анхаарч, гүйцэтгэлийг нь сайжруулах талаар тодорхой зөвлөгөө өгвөл ямар вэ? Мөн та зочид буудлаа тойрон алхахдаа зочид болон ажилчиддаа туслаж байгаарай- Туслалцаа бол зочлох үйлчилгээний нэг хэлбэр шүү дээ.

 “Удирдагчид бид бүх хариултыг авах ёстой гэж ихэвчлэн боддог. Бодит байдал дээр агуу удирдагч байх нь даруу байх, зөв асуулт тавихыг шаарддаг. Эргэн тойрны хүмүүсийн давуу тал, мэдлэгээс суралцах нь  таныг өөр түвшинд хүргэнэ” хэмээн Highgate зочид буудлын ерөнхий менежер Жозеф Киртли нэгэнтээ хэлснийг санаж явахад илүүдэхгүй болов уу.

Эх сурвалж:  https://hoteltechreport.com/